เหตุอารมฺมณปจฺจยาทิ
[32] กุสโล อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส เหตุปจฺจเยน ปจฺจโยฯ (1)
อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส เหตุปจฺจเยน ปจฺจโยฯ (1)
อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อารมฺมณปจฺจเยน ปจฺจโยฯ (1)
อพฺยากโต อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส อารมฺมณปจฺจเยน ปจฺจโยฯ (1)
กุสโล อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส อธิปติปจฺจเยน ปจฺจโยฯ (1)
อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อธิปติปจฺจเยน ปจฺจโยฯ (1)
อพฺยากโต อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส อธิปติปจฺจเยน ปจฺจโยฯ (1)
กุสโล อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อนนฺตรปจฺจเยน ปจฺจโยฯ (1)
อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อนนฺตรปจฺจเยน ปจฺจโยฯ (1) (สํขิตฺตํฯ)
[33] เหตุยา ทฺเว, อารมฺมเณ ทฺเว, อธิปติยา ตีณิ, อนนฺตเร ทฺเว, สมนนฺตเร ทฺเว, สหชาเต ทฺเว, อญฺญมญฺเญ ทฺเว, นิสฺสเย ทฺเว, อุปนิสฺสเย จตฺตาริ…เป.… อวิคเต ทฺเว (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
กุสลตฺติกอาสวโคจฺฉกํ นิฏฺฐิตํฯ
1-20-54. กุสลตฺติก-สญฺโญชนาทิทุกานิ
[34] อกุสลํ สญฺโญชนํ ธมฺมํ ปฏิจฺจ…เป.… อกุสลํ คนฺถํ… โอฆํ… โยคํ… นีวรณํ…ฯ
กุสลํ โนปรามาสํ ธมฺมํ ปฏิจฺจ กุสโล โนปรามาโส ธมฺโม อุปฺปชฺชติ เหตุปจฺจยาฯ (อาสวโคจฺฉกสทิสํฯ) ทิฏฺฐิํ ปฏิจฺจ ทิฏฺฐิ น อุปฺปชฺชติฯ
กุสลตฺติเก ฉ โคจฺฉกํ นิฏฺฐิตํฯ
1-55. กุสลตฺติก-สารมฺมณทุกํ
1-7. ปฏิจฺจวาราทิ
ปจฺจยจตุกฺกํ
[1] กุสลํ สารมฺมณํ ธมฺมํ ปฏิจฺจ กุสโล สารมฺมโณ ธมฺโม อุปฺปชฺชติ เหตุปจฺจยาฯ (1)
อกุสลํ สารมฺมณํ ธมฺมํ ปฏิจฺจ อกุสโล สารมฺมโณ ธมฺโม อุปฺปชฺชติ เหตุปจฺจยาฯ (1)
อพฺยากตํ สารมฺมณํ ธมฺมํ ปฏิจฺจ อพฺยากโต สารมฺมโณ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[2] เหตุยา ตีณิ, อารมฺมเณ ตีณิ…เป.… อวิคเต ตีณิ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ
เหตุ-อารมฺมณปจฺจยา
[3] กุสโล สารมฺมโณ ธมฺโม กุสลสฺส สารมฺมณสฺส ธมฺมสฺส เหตุปจฺจเยน ปจฺจโยฯ (1)
อกุสโล สารมฺมโณ ธมฺโม อกุสลสฺส สารมฺมณสฺส ธมฺมสฺส เหตุปจฺจเยน ปจฺจโยฯ (1)
อพฺยากโต สารมฺมโณ ธมฺโม อพฺยากตสฺส สารมฺมณสฺส ธมฺมสฺส เหตุปจฺจเยน ปจฺจโยฯ (1)
